Pa kumemora Dia Internasional de Lingua Matérnu y 50 anu di indipendénsia de Kabu Verdi, Asosiason di Língua Matérnu kabuverdianu (ALMA-KV/CV)  organiza Fórun di Língua Matérnu Kabuverdianu, dia 15/02/2025, na Salon Beijin, na Prezidénsia di Repúblika.

Eventu tevi altu patrosiniu do Prizidenti di Repúblika di Kabu Verdi, Dr. José Maria Neves, ku parseria inda di universidade de Cabo Verde, Pedro Pires Institute for Cape Verdean Studies da Bridgewater State University, Instituto Camões e IPC. 

Fórun kumesa ku un konferénsia inaugural, di linguista, spesialista  na kabuverdianu, Dotor Jurgen Lang, ki trasa perkursu stóriku di prusesu di kriolizason na Kabu Verdi. 

Prizénsa di spesialistas di kriolu Kabu Verdi, Korsau, Guiné-Bissau ku Seychelles dexa fórun inda mas riku. Es papia di relason entri lingua ku dezenvolvimentu umanu, spriensia di nsinu ku nstrumentalizason di linguas.

Kuazi 100 algen partisipa na sala ku na plataforma zoom. Es konbersa ku spesialista ku ses kumentariu, dúvida ku kontribuison sobri tema di kes méza rudondu.    

Na fin, tradu txeu rakumendason, sobri investimentu na língua, na txeu área sima nsinu siensia, cultura ku teknolojia.      

Dexadu, mas un bês, klaru nesisidadi di ofisializason di língua kabuverdianu ku se promoson y valorizason, sen para.  

Asosiason di Língua Matérnu kabuverdianu ta spera ngajamentu di tudu responsavel nes prosesu, pa bem di língua k’e patrimoniu mas grandi di kabuverdianidadi. 

Fórum da Língua Materna 2025 promove debate alargado com especialistas nacionais e estrangeiros

Para comemorar o Dia Internacional da Língua Materna e o 50º aniversário da independência de Cabo Verde, a Associação da Língua Materna Cabo-verdiana (ALMA-KV/CV) organizou o Fórum da Língua Materna Cabo-verdiana, no dia 15/02/2025, no Salão de Beijin da Presidência da República. 

O evento contou com o alto patrocínio do Presidente da República de Cabo Verde, Dr. José Maria Neves, e contou também com as parcerias da universidade de Cabo Verde, Pedro Pires Institute for Cape Verdean Studies da Bridgewater State University, Instituto Camões e IPC. 

O fórum arrancou com uma conferência inaugural proferida pelo linguista, especialista em cabo-verdiano, Doutor Jurgen Lang, que traçou o percurso histórico do processo de crioulização linguística em Cabo Verde. 

O evento foi ainda enriquecido pela presença de especialistas de Cabo Verde, Curaçao, Guiné-Bissau e Seychelles, que abordaram a relação entre a língua e o desenvolvimento humano, experiências de ensino e instrumentalização das línguas.

Quase uma centena de pessoas marcaram presença na sala e na plataforma zoom. O público participou no debate, tecendo comentários, perguntas e consideração sobre o tema das mesas redondas. 

O fórum resultou num conjunto de recomendações que passam pelo investimento e valorização da língua em áreas transversais como a ensino, ciência, cultura e tecnologias.

Ficou, mais uma vez, patente a necessidade da oficialização da língua cabo-verdiana e sua contínua promoção e valorização. 

A Associação da Língua Materna Cabo-verdiana espera, assim, o engajamento de todos os atores deste processo, a bem do património maior da cabo-verdianidade.